CHIRWA NA YONDANI WAIGOMEA YANGA

Mkataba wa beki kisiki wa Yanga Kelvin Yondani na ule wa Obrey Chirwa inamalizika mwishoni mwa msimu na wachezaji hao wamegomea mazungumzo ya mikataba mipya.
Yondani amekuwa mhimili wa safu ya ulinzi ya Yanga msimu huu huku Chirwa akiwa kinara wa mabao, ameifunga Yanga mabao 12 kwenye ligi.
Inaelezwa wawili hao wamegomea mazungumzo ya mikataba mipya hivyo wanaweza kuondoka wakiwa wachezaji huru mwisho wa mwezi huu msimu utakapomalizika kama jitihada zaidi za kuwabakisha hazitafanyika.
Kuna taarifa klabu ya ZESCO United ambayo sasa inanolewa na kocha wa zamani wa Yanga George Lwandamina inawanyemelea wachezaji hao.
Chirwa pia amekuwa akihusishwa na klabu ya Simba japo mwenye mara kadhaa amekanusha juu ya uwezekano wa kutimkia kwa wapinzani hao wa Yanga.
Yondani na Chirwa ni miongoni mwa wachezaji ambao hawakusafiri na kikosi cha Yanga kilichokwenda nchini Algeria kuikabili USM Alger kwenye mchezo wa kwanza wa kundi D kombe la shirikisho barani Afrika.

Comments

Post a Comment

Popular posts from this blog

YANGA YASAFIRI NA HAWA TU , WENGINE WOTE WABAKI NCHINI

Image
Kikosi cha Yanga kimeondoka asubuhi ya leo jijini Dar es Salaam kuelekea Kenya kwa ajili ya mashindano ya SportPesa Super Cup inayoanza kesho jijini Nairobi. Jumla ya wachezaji  20 walioondoka ni Makipa Youthe Rostand na Ramadhani Kabwili, Mabeki ni Hassani Kessy, Haji Mwinyi, Abdalah Shaibu Ninja, Pato Ngon yani na Said Juma Makapu. Viungo ni Papy Tshishimbi, Raphael Daudi, Thaban Kamusoko, Maka Edward, Said Mussa Bakari, Baruani Akilimali, Pius Buswita na Yusuph Mhilu. Washambuliaji ni Ibrahim Ajibu, Yohana Mkomola, Matheo Anthony, Juma Mahadhi na Amis Tambwe. Yanga wataanza kibarua chao dhidi ya Kakamega Home Boys Jumapili ya June 03 2018 huku Kocha wake, Mwinyi Zahera aikielezwa ataungana na kikosi chake nchini humo. Waliobaki nchini ni Juma Abdul, Kelvin Yondani, Obrey Chirwa, Andrew Vicent Dante, Gadiel Michael, Geofrey Mwashiuya Emmanuel Martin, Nadir Haroub Canavaro na Benno Kakolanya.
Read more

YANGA YAJIBIWA HIVI NA TFF KUHUSU KUOMBA KUJITOA KAGAME CUP

Image
Rais wa Shirikisho la Soka nchini (TFF), Wallace Karia amewataka Yanga kutengua ombi lao ndani ya saa 48 la kutaka wasishiriki michuano ya Kombe la KAGAME inayotarajia kuanza Juni 28 2018 jijini Dar es Salaam. Hatua ya imekuja kufuatia uongozi wa klabu hiyo kutuma barua inayoeleza kuomba kujitoa ili kuwapa wachezaji wake mapumziko kwa ajili ya kuja kujiandaa na mchezo wa Kombe la Shirikisho Afrika dhidi ya Gor Mahia FC. Karia amefunguka kwa kuwapa Yanga saa 48 kwa maana ya siku mbili kuanzia leo kutengua kauli hiyo akieleza kuwa hata Gor Mahia ambao wapo kundi moja CAF pamoja na Rayon Sports wamethibitisha kushiriki. Rais huyo ameongea kauli hiyo kwa msisitizo akiamini Yanga wanaweza kubadilisha maamuzi hayo aliyosema hayana mashiko ili kuungana na wenzao Simba ambao wamepangwa kundi moja kushiriki mashindano hayo yatakayomalizika Julai 13. Yanga walituma barua hiyo TFF juzi wakiomba kujiondoa kwenye mashindano hayo kwa lengo la kuwapa wachezaji nafasi kujiandaa katika michuano
Read more

MASHINDANO MENGINE TOFAUTI NA KAGAME KUANZA 29, JUNE SIMBA NA YANGA NDANI RATIBA NZIMA HII HAPA

Image
Upangaji wa ratiba na makundi ya Ligi ya Vijana U20 kwa klabu za Ligi Kuu ya Vodacom Tanzania Bara umefanyika leo Alhamis Juni 7,2018 Makao Makuu ya Azamtv. Timu hizo 16 zimepangwa kwenye makundi manne yenye timu nne kila kundi. Ligi hiyo inatarajia kuanza kutimua vumbi Juni 9,2018 mpaka Juni 21,2018 zikifanyika kwenye Jiji la Dodoma viwanja vya Chuo Kikuu cha Dodoma UDOM. Kundi A Young Africans  Ruvu Shooting  Mbeya City  Mbao FC  Kundi B Simba  Singida United  Stand United Njombe Mji  Kundi C  Azam FC  Mtibwa Sugar  Mwadui FC  Majimaji FC  Kundi D  Tanzania Prisons  Lipuli FC  Kagera Sugar  Ndanda FC Katika kundi A Young Africans watafungua pazia la mashindano hayo dhidi ya Ruvu Shooting saa 8 mchana ikifuatiwa na mchezo wa pili Mbeya City dhidi ya Mbao FC Juni 9,2018 saa 10 jioni. Mechi nyingine zitakazochezwa katika siku hiyo ya kwanza ni za kundi C ambapo Azam FC watacheza na Mtibwa Sugar saa 8 mchana ikifuatiwa
Read more