SIMBA WAACHANA NA LECHANTRE KIIVI





Na Mwandishi Wetu, NAKURU
KOCHA Mfaransa wa Simba SC, Pierre Lechantre na Msaidizi wake, Mtunisia Aymen Hbibi Mohammed wameondoka kwenye kambi ya timu nchini kurejea Dar es Salaam kuunganisha usafiri wa kurudi kwao – maana yake kazi basi.
Simba SC inaendeleza ugonjwa wake wa kutodumu na makocha baada ya kutofautiana na Lechantre aliyeanza kazi Januari 18 tu, mwaka huu.
Lechantre na Aymen Hbibi Mohammed jana walikuwa jukwaani wakati Simba SC ikimenyana Simba SC na Kakamega Homeboyz katika Nusu Fainali ya SportPesa Super Cup na kuibuka na ushindi wa penalti 5-4 baada ya sare ya 0-0 ndani ya dakika 90 Uwanja wa Afraha pia.
Timu iliongozwa na Kocha Msaidizi, Mrundi Masoud Juma aliyekaa benchi na kocha wa makipa, Muharami Mohammed ‘Shilton’ na jukwaani alikuwepo Kaimu Rais wa klabu, Salim Abdallah ‘Try Again’.
Dalili za Simba SC kutodumu na kocha huyo zilianza kuonekana mapema tu baada ya Lechantre kuomba kazi ya kuifundisha timu ya taifa ya Cameroon Aprili mwaka huu.
Na baada ya Ligi Kuu kumalizika, Simba SC ikitwaa ubingwa wa kwanza tangu mwaka 2012, iliibuka minong’ono Simba SC haiweze kuendelea na Mfaransa huyo kwa sababu ya mshahara mkubwa.
Lakini pia minong’ono mingine ilikuwa inasema kwamba  viongozi wa Simba hawapendezewi tabia ya ukali wa kupitiliza wa kocha huyo kiasi cha kutopenda hata kuzungumza wala kupokea ushauri.
Na taarifa zilisema asingekuwepo hata kwenye msafara wa timu Kenya kwenye michuano ya SportPesa Super Cup, lakini ikawa toafuti amekwenda ingawa sasa mambo yamekuwa makubwa. 
Haitakuwa ajabu wakati wowote uongozi wa Simba SC ukitangaza rasmi kuachana na Mfaransa huyo ambaye mkataba wake wa miezi sita unafikia tamati mwezi huu.
Lechantre alichukua nafasi ya Mcameroon Joseph Marius Omog na ameiongoza timu katika mechi 22 tu, ukiondoa mchezo wa leo ambao alikuwa jukwaani, ikishinda 14, sare saba na kufungwa moja.
Fainali ya michuano ya SportPesa Super Cup 2018 itafanyika Jumapili na mshindi pamoja na kupata dola za Kimarekani 30,000 pia atapata nafasi ya kwenda kucheza na klabu ya Everton Uwanja wa Goodison Park mjini Liverpool, England. 
Mshindi wa pili atajipatia dola za Kimarekani 10,000, wa tatu dola 7, 500 na wa nne dola 5,000 wakati timu nyingine zitapewa kifuta jasho cha dola 2,500. 
Bingwa mtetezi ni Gor Mahia ambayo mwaka jana iliifunga AFC Leopards 2-1 katika fainali Uwanja wa Taifa, Dar es Salaam.




Comments

Post a Comment

Popular posts from this blog

YANGA YASAFIRI NA HAWA TU , WENGINE WOTE WABAKI NCHINI

Image
Kikosi cha Yanga kimeondoka asubuhi ya leo jijini Dar es Salaam kuelekea Kenya kwa ajili ya mashindano ya SportPesa Super Cup inayoanza kesho jijini Nairobi. Jumla ya wachezaji  20 walioondoka ni Makipa Youthe Rostand na Ramadhani Kabwili, Mabeki ni Hassani Kessy, Haji Mwinyi, Abdalah Shaibu Ninja, Pato Ngon yani na Said Juma Makapu. Viungo ni Papy Tshishimbi, Raphael Daudi, Thaban Kamusoko, Maka Edward, Said Mussa Bakari, Baruani Akilimali, Pius Buswita na Yusuph Mhilu. Washambuliaji ni Ibrahim Ajibu, Yohana Mkomola, Matheo Anthony, Juma Mahadhi na Amis Tambwe. Yanga wataanza kibarua chao dhidi ya Kakamega Home Boys Jumapili ya June 03 2018 huku Kocha wake, Mwinyi Zahera aikielezwa ataungana na kikosi chake nchini humo. Waliobaki nchini ni Juma Abdul, Kelvin Yondani, Obrey Chirwa, Andrew Vicent Dante, Gadiel Michael, Geofrey Mwashiuya Emmanuel Martin, Nadir Haroub Canavaro na Benno Kakolanya.
Read more

YANGA YAJIBIWA HIVI NA TFF KUHUSU KUOMBA KUJITOA KAGAME CUP

Image
Rais wa Shirikisho la Soka nchini (TFF), Wallace Karia amewataka Yanga kutengua ombi lao ndani ya saa 48 la kutaka wasishiriki michuano ya Kombe la KAGAME inayotarajia kuanza Juni 28 2018 jijini Dar es Salaam. Hatua ya imekuja kufuatia uongozi wa klabu hiyo kutuma barua inayoeleza kuomba kujitoa ili kuwapa wachezaji wake mapumziko kwa ajili ya kuja kujiandaa na mchezo wa Kombe la Shirikisho Afrika dhidi ya Gor Mahia FC. Karia amefunguka kwa kuwapa Yanga saa 48 kwa maana ya siku mbili kuanzia leo kutengua kauli hiyo akieleza kuwa hata Gor Mahia ambao wapo kundi moja CAF pamoja na Rayon Sports wamethibitisha kushiriki. Rais huyo ameongea kauli hiyo kwa msisitizo akiamini Yanga wanaweza kubadilisha maamuzi hayo aliyosema hayana mashiko ili kuungana na wenzao Simba ambao wamepangwa kundi moja kushiriki mashindano hayo yatakayomalizika Julai 13. Yanga walituma barua hiyo TFF juzi wakiomba kujiondoa kwenye mashindano hayo kwa lengo la kuwapa wachezaji nafasi kujiandaa katika michuano...
Read more

MASHINDANO MENGINE TOFAUTI NA KAGAME KUANZA 29, JUNE SIMBA NA YANGA NDANI RATIBA NZIMA HII HAPA

Image
Upangaji wa ratiba na makundi ya Ligi ya Vijana U20 kwa klabu za Ligi Kuu ya Vodacom Tanzania Bara umefanyika leo Alhamis Juni 7,2018 Makao Makuu ya Azamtv. Timu hizo 16 zimepangwa kwenye makundi manne yenye timu nne kila kundi. Ligi hiyo inatarajia kuanza kutimua vumbi Juni 9,2018 mpaka Juni 21,2018 zikifanyika kwenye Jiji la Dodoma viwanja vya Chuo Kikuu cha Dodoma UDOM. Kundi A Young Africans  Ruvu Shooting  Mbeya City  Mbao FC  Kundi B Simba  Singida United  Stand United Njombe Mji  Kundi C  Azam FC  Mtibwa Sugar  Mwadui FC  Majimaji FC  Kundi D  Tanzania Prisons  Lipuli FC  Kagera Sugar  Ndanda FC Katika kundi A Young Africans watafungua pazia la mashindano hayo dhidi ya Ruvu Shooting saa 8 mchana ikifuatiwa na mchezo wa pili Mbeya City dhidi ya Mbao FC Juni 9,2018 saa 10 jioni. Mechi nyingine zitakazochezwa katika siku hiyo ya kwanza...
Read more